Роналдињо во моментов го поминува најтешкиот период во животот бидејќи неговата мајка почина неодамна.
Мајката на Роналдињо почина како резултат на инфекција со коронавирус, а нејзината смрт го потресе легендарниот фудбалер. Пред неколку дена медиумите објавија дека многумина се загрижени за Роналдињо поради неговиот животен стил.
Имено, поранешниот фудбалер на Барселона се препушти на алкохол и не се отрезни откако неговата мајка почина. Неговиот живот пред големата кариера беше доста тежок и тој често бараше утеха во алкохолот.
Познато е дека како и повеќето Бразилци, тој израснал во сиромашно семејство и фудбалот му бил единствениот излез да направи нешто во животот. Тој се пензионираше пред неколку години и кога требаше да ужива, започнаа проблеми.
Прво помина половина година во затворот во Парагвај за фалсификување документи, а кога се врати дома неколку месеци подоцна неговата мајка почина.
За многумина, Роналдињо е последниот фудбалски волшебник и најдобриот што Бразил може да го понуди. Имаше неверојатни дриблинзи и потези кои сите се обидувавме да ги копираме како деца, а чувството што го имаше за топката е неописливо.
Во една прилика, Роналдињо откри дека како дете најчесто играл бос фудбал и дека поради тоа има неверојатно чувство за топка.
“Татко ми ми рече дека подобро е да научам да играм бос, па во нозете имав чувство дека топката се лепи до мене. Му ветив дека ќе го совладам тоа како никој претходно, но она што навистина се случи, вистината беше дека тој неше пари да ми купи патики или копачки и беше навистина тажно кога сфатив. Кога ја освоив Златната топка за прв пат, не плачев од среќа, туку затоа што немав татко и тој не беше таму веќе“, рече Роналдињо.
