Американскиот алпинист Алекс Хонолд изјави дека му е платен „смешно мал“ надомест за да се искачи на облакодер од 488 метри што го снимал за Нетфликс. Вчера, Хонолд се искачи на Тајпеј 101, облакодер во главниот град на Тајван, во пренос во живо на Нетфликс. Тој се искачуваше на зграда од 101 кат без јаже и без никаква безбедносна опрема, па дури и најмалата грешка можеше да заврши фатално.
За среќа, искачувањето беше завршено за нешто повеќе од час и половина, а тој дури и направи селфи на врвот.Колку заработил Хонолд?Во пресрет на искачувањето, во разговор за „Њујорк тајмс“, Хонолд зборувал и за парите. Кога бил прашан дали тоа е најголемата исплата во неговата кариера, тој не сакал да ја открие бројката, но рекол дека хонорарот е „смешно мал“ во споредба со платите на најпознатите спортисти.
„Ако го споредите со големите спортови, тоа е смешно мал износ“, рекол тој, а потоа додал: „Играчите на MLB потпишуваат договори вредни околу 170 милиони долари – и тоа се играчи за кои никогаш не сте слушнале и на никој навистина не му е гајле“.
Хонолд не потврдил точно колку добил, но се вели дека е во „средна шестцифрена сума“, односно помеѓу 400.000 и 600.000 долари (помеѓу 340 и 510 илјади евра). Парите не му биле главен мотив. Сепак, Хонолд вели дека парите не биле одлучувачки за него и дека со задоволство би се искачил на зградата бесплатно.
„Ќе го направев тоа бесплатно – да не беше ТВ-шоуто и зградата да ми дадеше дозвола“, рече тој. „Би го направил тоа затоа што знам дека можам и би било неверојатно. Мислам, самото седење на самиот врв од кулата е лудо. Не ме плаќаат за искачување на зграда. Ме плаќаат за спектаклот. Се искачувам на зградата бесплатно.“
Текстот Ризик по животот: Човекот кој се искачи на Тајпеј 101 без заштита земал половина милион евра е превземен од МАКФАКС.
