Рената Јорданова има привилегија да ужива во еден прекрасен двор и тоа распослан непосредно пред Тиквешкото Езеро. Каков поглед! Какво спокојство и уживање.
-Викендицата и дворот ги поседуваме веќе 6 години, а градинарските вештини ги наследив од мајка ми, ни вели Рената.
Ни објаснува дека дворот го средува со мерак, со задоволство, со голема желба. Вели дека времето за уредување на дворот е убаво и забавно искуство. На овој двор Рената вложува час до два труд секојдневно.
-Ги обожавам убавите зимзелени дрвца, кои најмногу се совпаѓаат со прекрасниот поглед кон Тиквешкото Езеро, додава таа.
Инаку, површината на дворчето е 120 m² и најраскошно изгледа во пролет.
– Голема привилегија е да се биде на чекор од езерото. Седејќи на тераса со релаксирачки поглед кон природните убавини на Тиквешкото Езеро, секој стрес или нервоза волшебно исчезнува.
Инаку, Рената веќе 12 години поседува сопствено ателје, а поголем дел од нејзините изработки се свечени фустани, но дизајнира и други парчиња облека.
– Уметноста и креативноста ги поврзува овие две различни поими – атељето и дворчето, но со голем труд и желба се постигнува сè., вели Рената.
Рената Јорданова е мајка на две прекрасни ќерки Стефанија (17години) , Мануела (14 години), а со сопругот Трајче Јорданов и со децата живеат во Неготино. Се разбира, викендицата на Тиквешко Езеро често ја посетуваат.
А ако сте веќе покрај Тиквешкото Езеро може да ја посетите познатата инка, а до познатиот Полошки манастир Св.Ѓорѓиј се стигнува единствено по воден пат, низ Тиквешкото езеро.
Езерото е познато и по многу видови риби, особено по сомот кој се наоѓа во длабочините и кој може да достигне и до 100 кг.
Ве оставаме да уживате, спокојно, во фотографиите со најубав поглед на Тиквешко Езеро, од дворот на Рената.
