Луѓе кои примиле трета доза на вакцина повторно се заразиле со Ковид 19, информираат од Министерството за здравство за Телма. Во месец и половина колку што трае вакцинацијата заразени се вкупно 99 од вкупно 43 376 вакцинирани со трета доза. Од Министерството велат дека сите се заразиле уште во првите седум дена по примањето на третата вакцина. Починати од нив, нема.
„Вкупно 99 лица кои примиле трета доза вакцина после тоа се заразени со Ковид 19. Досега нема регистрирано случај на починат пациент со Ковид по примена трета доза вакцина“, велат од Министерството за здравство.
Инаку вакцинацијата со трета доза започна на 27 септември, и првично одлуката беше дека секој што се вакцинирал со две дози, може да прими и трета но да се поминати 6 месеци од примањето на втората. Подоцна ваквата одлука беше променета, само за оние луѓе на кои првите две дози им се од кинески производител Синофарм и Синовак. Тие можеа да примат и по истекување на три месеци од втората доза.
