„Мора да има слобода на духот, непријателството води кон уништување“, изјавува пред БГНЕС поранешниот министер за култура на Бугарија и познат бугарски вајар Вежди Рашидов, по повод хистеријата во РС Македонија околу пејачот Васил Гарванлиев, кој ќе ја претставува нашата земја на конкурсот „Евровизија“.
„Дефинитивно не разбирам каков недостаток на достоинство, самодоверба и комплекси може да има едно општество за да има такво однесување. Особено кон земја како Бугарија, која отсекогаш била пријателска, братска и искрена. Се сеќавам на претседателот Желју Желев кога Бугарија реши да стане првата земја што ќе ја признае Македонија како независна држава. Не разбирам зошто треба да страда културата “, коментира Вежди Рашидов.
Според него, културата треба да игра улога на мост меѓу две земји, а не да ги дели.
„Една држава не може да се однесува вака, таа мора да има свое достоинство, самодоверба, да сака да биде дел од светот. Државата е колектив на луѓе кои сакаат нивните животи да имаат некакво значење. Државата не е ништо повеќе од збирот на она што го носи нивниот идентитет, карактер, добрина. Не разбирам зошто “, вели Рашидов за новиот бран антибугарска реторика кај нас.
Вежди Рашидов е категоричен дека прашањата од областа на културата не треба да се политизираат, а односите меѓу двете земји не треба да влијаат на културната сфера.
„Бугарија исто така мора да покаже самодоверба. Доста попуштаме во име на доброто, мора да покажеме карактер. Јас не спорам кои се Бугари, кои се Македонци. Откако светот одлучи да ги дистрибуира така работите, прифаќам, но не прифаќам ароганција, лош став и омраза “, додаде Вежди Рашидов.
