Раперот и продуцент Др. Дре – една од најуспешните и највлијателните хип – хоп суперѕвезди е хоспитализиран откако доживеа аневризма на мозок, пишува „Би-Би-Си“.
Аневризма е проширување на абдоминалната аорта и настанува кога ѕидот на крвниот сад ослабува.
55-годишниот рапер бил пренесен во Медицинскиот центар „Ceders – Sinai“ во Лос Анџелес, објави „ТМЗ“.
![Instagram](https://zoom.mk/wp-content/uploads/2021/01/134695608_445194946652804_8427617930888244351_n.jpg)
Во објава на „Инстаграм“ тој напиша: – Одлично закрепнувам и добивам одлична грижа од мојот медицински тим.
Тој „мора да одмара“ по аневризмата, изјави неговиот адвокат за „Билборд“.
![Instagram](https://zoom.mk/wp-content/uploads/2021/01/51064966_2156318437744464_6917821405794628410_n.jpg)
Во својата објава, раперот исто така напиша дека наскоро ќе излезе од болницата и ќе се врати дома, испраќајќи љубов до сите медицински лица во болницата нарекувајќи ги вистински професионалци.
![Instagram](https://zoom.mk/wp-content/uploads/2021/01/135855568_107145914562251_3682870378891789915_n.jpg)
Пријатели и колеги на ѕвездата постојано му испраќаат добри желби за подобро здравје, меѓу кои и Снуп Дог, Миси Елиот, Ајс Кјуб.