Претседателот на Бугарија во вторник претпладне ќе прими претставници на пратеничката група на „БСП за Бугарија“ во врска со мандатот за предлагање кандидат за премиер, соопштија од прес-службата на шефот на државата.
Лидерката на БСП Корнелија Нинова денеска најави дека в понеделник ќе го вратат мандатот.
Претходно, само три парламентарно претставени политички сили – ГЕРБ-СДС, ДПС и „Бугарски подем“ – одговорија на поканата на БСП за лидерска средба во врска со третиот мандат за формирање влада. Од „Продолжуваме со промената“ (ПП), „Демократска Бугарија“ (ДБ) и „Преродба“ не дојдоа на разговор.
Нинова посочи дека направиле се што се очекувало од нив, барале дијалог и договор за четири приоритети за обединување на политичките сили. „Баравме решение за излез од кризите во кои се наоѓаме, а особено од политичката криза“, истакна таа.
