Почетокот на преговорите за членство на РС Македонија во Европската Унија не зависи од идната бугарска влада, туку од самата РС Македонија. Ова го изјави бугарскиот претседател и кандидат за втор мандат Румен Радев, јавува БГНЕС, пренесува Трибуна.
„Клучот за почеток на преговорите со ЕУ за РС Македонија е во почитувањето на правата на македонските Бугари, во искоренувањето на јазикот на омразата и во прекинот на обидите за систематско уништување на бугарското културно историско наследство. Почетокот на преговорите нема да зависи од следната нова влада и нов парламент, туку од РС Македонија, која ќе мора да преземе соодветни мерки. Убеден сум дека само со отворен дијалог меѓу Софија и Скопје ќе ги изградиме искрените пријателски односи што ги очекуваат луѓето од двете страни на границата“, нагласи Радев.
