Полициски службеници денеска, околу 13.45 часот, во близина на границата со Албанија, привеле 31-годишен дебранец за доиздржување казна затвор во скопскиот затвор Идризово.
– На 08.02.2024 околу 13.45 часот, на раскрсница помеѓу с. Бомово и Дебар, во близина на државната граница со Р. Албанија полициски службеници од Полициска станица за гранични проверки и граничен надзор Блато го лишиле од слобода М.А. (31) од Дебар. Тој бил осуден на казна затвор од шест години за сторено кривично дело по член 215 од Кривичниот законик, а бил баран по потерница врз основа на наредба од Казнено – поправната установа Затвор Идризово за доиздржување на три години од казната, соопштуваат од МВР.
Лицето ќе биде предадено на надлежната казнено поправна установа.
