Принцот Хари доби нов ангажман, тој стана директор на еден стартап од Силиконската долина. Војводата од Сасекс стана CIO (Chief Impact Officer), во „BetterUp Inc.“, брзорастечката компанија која се занимава со обука за животните вештини и менталното здравје.
Во последно време, Хари својата слава доста добро ја искористии со цел да влезе во некои профитабилни бизниси, а сега вели дека „има намера да помогне во создавањето на влијаение врз човековите животи, со цел да му се помогне на секого“. Тој одговорил толку кратко во мејлот, во кој бил прашан зошто одлучил да се нафати да го работи ова.
„Проактивниот тренинг овозможува бескрајни можности за личниот развој, зголемена свест и целосно подобар живот“, додаде тој. Се очекува дека принцот Хари на новата позиција ќе го даде својот придонес преку иницијативи, вклучувајќи ги и одлуките за стратегија на производите и добротворните прилози, и јавно ќе заговара теми поврзани за менталното здравје, пишува WSJ.
Prince Harry will become chief impact officer of BetterUp, the fast-growing coaching and mental health firm plans to announce Tuesday, in his latest foray into business https://t.co/iILatjXklP
— The Wall Street Journal (@WSJ) March 23, 2021
Од Хари на неговото ново работно место ќе се очекува тој најмногу да го употреби своето јавно влијание.
Кога станува збор за новиот ангажман на британскиот принц, не се изнесени детални податоци за самиот договор и неговата заработка. Познато е само дека Хари нема да им шефува на вработените, ниту пак ќе има директни извештаи, но веројатно ќе поминува одреден период во седиштето на компанијата во Сан Франциско, кога тоа ќе биде безбедно.
Принцот своите причини за придружување на „BetterUp“ ги дообјасни во објавата на блогот на компанијата, изјавувајќи дека ја препознава „заедничката страст“ за помагање на луѓето.
Prince Harry gets a job as Chief Impact Officer at mental health company, BetterUp. He will have input into things such as product strategy decisions and charitable contributions, as well as speaking publicly about topics related to mental health https://t.co/yFntv6usCU pic.twitter.com/KNwtj8MA6I
— Dionne Grant (@DionneGrant) March 23, 2021
„Тоа што ми привлече внимание кај „BetterUp“ е тоа што мисијата на компанијата да го открие потенцијалот кај луѓето бара иновации, влијание и интегритет. Нивниот тим веќе со години ја обавува таа работа“, изјави Хари.
Хари исто така додаде дека и тој лично имал корист од тренерот од „BetterUp“ кој работел со него.
„Лично сметам дека соработката со „BetterUp“ тренерот е непроценлива. Поврзан сум со навистина одличен тренер кој ми даде добри совети и нова перспектива во животот“, изјави Хари во блогот.
Исто така, тој ќе треба да биде присутен на состаноците и да учествува на настаните кои ќе ги организира компанијата „BetterUp Inc“.
