ПРИНЦЕЗАТА Шарлот доби нов прекар, пишуваат британските медиуми. Миленичката на кралските обожаватели, наводно, пријателите на училиште ја нарекуваат принцеза воин, поради нејзината личност.
Кралската авторка Кејти Никол изјави за Entertainment Tonight дека Шарлот го добила својот најнов прекар во градинката Вилокс, а експертот верува дека тоа може да ја следи додека старее.
И Кејт и Вилијам ја нарекуваат со прекари
“Таа наводно го добила тој прекар бидејќи очигледно е принцеза, но понекогаш се однесува како вистинско момче. Сака да се качува на дрвја и е голем авантурист, а е доста позната по својата борбена личност”, изјавила Никол.
Принцезата воин не е единствениот прекар што го добила, бидејќи нејзините родители, принцот Вилијам и принцезата Кејт, ја нарекуваат на различни начини. Вилијам еднаш ја нарече Mignonette, што на француски значи мала и нежна.
Кејт ја нарекува пократка верзија на нејзиното име, Лоти. Нејзината мајка претходно кажа дека таа е „главна“ кога се во прашање нејзините браќа.
