Се мислите што да зготвите за денес? Ние ќе го решиме вашиот проблем со овој едноставен, а супер лесен рецепт за пилешки паприкаш…
Погледнете го рецептот и начинот на подготовка:
СОСТОЈКИ:
– 4 пилешки копани
– 4 компири
– 1 кромид
– 1 морков
– ½ црвена пиперка
– 2 лажици црвен пипер
– 2 лажици нишесте
– 2 чешниња лук
– 1 лажица сушен магдонос
ПОДГОТОВКА:
Копаните ставете ги во сад со масло да се потпечат од сите страни. Кога ќе поруменат извадете ги. Сечканиот кромид додајте го во садот и пржете го да омекне. Па додајте ја пиперката и морковот исечкан на кругови. Промешајте и пржете кратко. Додајте го црвениот пипер и кратко пропржете. Потоа додајте ги копаните, налејте вода да ги прекрие копаните и варете 10 минути. Потоа додајте ги сечканите компири, измешајте и варете 20 минути. На крај разматете го нишестето и додајте го во садот со манџата. Промешајте, зачинете со сечкан лук и магдонос и послужете.
