Над 20 илјади дози вакцини против сезонски грип се аплицирани заклучно со вчерашниот ден на вакциналните пунктови низ државата, а веќе се закажани 39 илјади термини, информира министерот за здравство Беким Сали.
Вакцинацијата годинава започна навремено, првпат досега почна во месец октомври, за разлика од претходните години кога почнувала во ноември, односно во декември, истакна министерот за здравство, д-р Беким Сали на денешната посета на Центарот за јавно здравје-Скопје.
Од следната недела тимовите за имунизација од здравствените домови ќе почнат и со теренска вакцинација во домовите за стари лица, а ќе се вакцинираат и пациентите од хемодијализните центри.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
