По поразот на парламентарните избори тензиите во опозициската Демократска партија се зголемуваат. Членовите кои се против лидерот Љуљзим Баша инсистираат на промена на челната позиција. Меѓу оние кои го бараат тоа е и поранешниот претседател на државата, Бујар Нишани, според кого, барањето за смена на Баша расте бидејќи партијата им припаѓа на членството и на албанските граѓани. Едит Харџи пак, наведе дека Баша досега загубил четири избори. Раководството на Демократската партија пред неколку денови одлучи на 13 јуни да се одржат избори за нов лидер.
Advertisements
