Полицијата со помош на радар на автопатот Тетово-Гостивар откри возач кој се движел со 212 километри на час, во рамки на вчерашната акциска контрола за брзо возење. Акцијата е спроведена во периодот од 12 до 20 часот.
-Во акциската контрола вкупно биле откриени и законски санкционирани 101 возач кои ја пречекориле дозволената брзина на тетовското подрачје. Исто така, во текот на вчерашниот ден во овој период реализирана е и акциска контрола за управување возила под дејство на алкохол. Во оваа акција санкционирани биле четири возачи кои управувале возило со присуство на алкохол повеќе од дозволеното, информира портпаролот на СВР Тетово, Марјан Јосифоски.
