Голема полициска рација имало синоќа во скопски Грчец, а во акцијата учествувала и пазарната инспекција. Претресуван бил угостителскиот објект „Кава шиша бар“ на познатиот Шеваљ од Грчец. Гoстите биле претресени,кај еден бил пронајден и нож, а поради незаконско работење објектот бил запечатен. Од МВР ја потврдуваат акцијата.
На 05.02.2022 околу 00 часот полициски службеници од Бирото за јавна безбедност-Оддел за криминалистичка полиција и Оддел за специјални полициски операции-Единица за брзо распоредување во координација со Управата за јавни приходи и Државен пазарен инспекторат извршиле контрола во угостителски објект во с. Грчец, скопско. Констатирани се низа неправилности во работењето: угостителскиот објект нема регистрирано правно лице-фирма, немало регистриран фискален апарат, не биле почитувани мерките за справување со Ковид 19, поради што од страна на Државниот пазарен инспекторат објектот е запечатен и изречени се соодветни глоби.
Извршен е преглед на 40 лица и констатирано е присуство на тројца малолетници, за што ќе следуваат соодветни пријави. Исто така, приведено е едно лице кај кое е пронајден нож. За сите незаконитости ќе следуваат соодветни поднесоци.
