Полицијата вчера лишела од слобода шест лица и одземала три возила, пари за кои постојат докази дека потекнуваат од продажба на дрога, марихуана, кокаин, мобилни телефони и други предмети.
Портпаролот на МВР, Тони Ангеловски соопшти дека во рамките на вчерашната акција извршени се претреси на 16 локации во Прилеп, а групата била следена од септември 2020 годиназа недозволена продажба на хероин ,кокаин марихуана и амфетамин на подрачјето на Прилеп. Тој тврди дека организаторите на групата остварувале тесни врски и со полициски службеници, врз кои влијаеле да не превземаат службени дејствија.
„Во текот на истрагата се обезбедени докази за криминалната група при што лишени се од слобода 16 лица, а во текот на вчерашниот ден (05.02) извршени се претреси на 16 локации, а лишени се од слобода шест лица и одземени три возила, пари за кои постојат докази дека потекнуваат од продажба на дрога, марихуана, кокаин ,мобилни телефони и други предмети: П.А. (31), од кого се одзмени и возило „бмв5“, пари и мобилни телефони, Д.А. (32) од кого се одземени џип, пари и мобилен телефон, Ј.Џ. (41), В.Ј.(32), од кого е одземена дрога и мобилен телефон, Д.А. (35), од кого се одземени возило „бмв“, пари и мобилен телефон и Р.М. (34)“, соопшти Ангеловски.
Според него, истрагата ќе продолжи за утврдување и на кривична одговорност на полициските службеници, како и кон другите лица за кои постојат основи на сомневање дека се инволвирани во трговија со дрога.
