Семејната докторка Џен Кодл е здравствен експерт и сподели вирално видео на TikTok со своите 96.000 следбеници во кое објаснува кои делови од телото не ги миеме доволно често.
Занемарени делови од телото
На самиот врв на листата е папокот, дел од телото кој најчесто се запоставува при миење, а треба да му посветиме дополнително внимание за да го исчистиме темелно. Многу луѓе за време на миењето ги прескокнуваат и ушите, односно врвот, како и ушната школка и пределот зад ушите, што никогаш не треба да го прават.
„Сакам конкретно да го измиете овој дел од вашето тело. Ако го триете увото, мириса и е грубо, не сте го измиле некое време“, објаснила таа.
Нечистотија под ноктите
Ноктите се исто така занемарени места под кои може да се акумулира многу нечистотија, па затоа треба добро да се исчистат.
Дилема при миење на стапалата
Докторот одговори на вечно прашање. Ако само вода со сапуница тече по нозете, дали тоа значи дека се чисти? Одговорот, погодувате, е негативен. „Да, навистина треба да ги миете нозете“, рече таа и додаде дека посебно внимание треба да се посвети на прстите и просторот меѓу нив за да се спречат цела низа можни инфекции.
