Бугарскиот премиер Кирил Петков синоќа во своето гостување во емисијата „Панорама“ на Бугарската национална телевизија изјави дека Бугарија не прави отстапки кон РС Македонија, туку ја надградува својата позиција.
„Она што јас многу јасно го дадов како мандат во следните чекори со Република Северна Македонија е дека ќе ја надградиме бугарската позиција со дополнителни работни групи за економија, инфраструктура, култура, мерки и политики за влез и помош. Капацитетот на С. Македонија – како да успеат да го направат чекорот кон влез во ЕУ. Што значи дека поставуваме рок од 6 месеци и јас јасно го кажав овој рок“, рече премиерот.
