Павле Богоевски: Ма, какви уставобранители, терористи ништо помалку од тоа

Поранешниот пратеник Павле Богоевски и член на „Шарената револуција“ на фејсбук профил се огласи по повод денешниот протест за уставобранителите. Тој постирајки текст од кривичниот законик за терористичко загрозување и уставниот поредок на државата напиша дека луѓето кои упаднале во Собранието на 27 април, се терористи и ништо помалку од тоа.

“Терористичко загрозување на уставниот поредок и безбедноста

Член 313 КЗ на РСМ

Тој што со намера да го загрози уставниот поредок (ЧИТАЈ: мирна транзиција на власт) или безбедноста на Република Северна Македонија (ЧИТАЈ: упад во законодавниот дом) ќе предизвика или сериозно ќе се закани со предизвикување експлозија (ЧИТАЈ: пронајдени импровизирани експлозивни направи во Собрание на РСМ по 27. април), пожар, поплава или друго општоопасно дејствие или акт на насилство (ЧИТАЈ: обид за егзекуција, тепање и држење заложници на народни избраници), создавајќи чувство на несигурност или страв кај граѓаните (ЧИТАЈ: со намера или закана да предизвика граѓанска војна), ќе се казни со затвор најмалку десет години (ЧИТАЈ: НАЈМАЛКУ).

Ма, какви уставобранители. Терористи и ништо помалку од тоа, напиша Павле Богоевски.