ЈП Водовод и канализација Скопје се огласи со соопштение во кое како што велат најостро ја осудува и во целост ја демантира лажната вест објавена во неколку медиуми за зголемување на цената на водата во Скопје.
Во нивното соопштение се вели:
-Во согласност со Законот за утврдување цени на водните услуги се доставува известување за зголемените трошоци на претпријатието по основ на електрична енергија и енергенси во форма на барање за утврдување на тарифите за водните услуги, барање кое е доставено во 2022 година. Околу евентуалната промена на цената на водните услуги надлежни се Регулаторна комисија за енергетика и Советот на Град Скопје како основач на претпријатието, при што ЈП Водовод и канализација – Скопје ниту донело нови тарифи, ниту истото го има побарано од Советот на Град Скопје.
Уште еднаш да потенцираме дека ЈП Водовод и канализација – Скопје не побарало зголемување на цената на водата во Скопје, ниту е тоа во план на претпријатието во тековната година.
