Министерот за надворешни работи Бујар Османи преку својот фејсбук профил порача дека Северна Македонија е пример за успешен модел на мултиетничко општество. Појаснува дека правата на сите етнички заедници се почитуваат и треба да бидат почитувани. Османи додава дека на ниту една етничка заедница не смее да се загорзуваат правата, па така ниту на бугарската заедница.
-Република Северна Македонија има исклучително успешен модел на мултиетничко општество. Покрај колективните права на поголемите заедници, постојат функционални механизми за заштита и на помалите етнички заедници. Во ова смисла никој не смее да ги загрозува правата на бугарската заедница во земјава, и нивната посебност; напротив, граѓанските организации треба да бидат охрабрени да соработуваат со властите и да бидат внесени во сите механизми за остварување на своите колективните права.
Уште веднаш, претставниците на овие здруженија треба да ги контактираат пописните органи и да побараат соодветна графа во рамките на пописот, со цел утврдување на квантитативната, демографската и географска дистрибуција на оваа засебна заедница, што би придонело значајно при формирањето на идните политики и на Владата, и на соодветните единици на локалната самоуправа и воопшто на државата, пишува Османи.
Во јавноста се појавија реакции за односот и правата на бугарската заедница во Република Северна Македонија. Овие…
Posted by Bujar Osmani on Wednesday, 3 March 2021
