Темелно се чисти паркот „Македонија“ и околните улици. Општина Кисела Вода, преку Секторот за месна самоуправа, ангажираше околу 30 сезонски работници кои спроведуваат интензивни активности за унапредување на јавната хигиена. Во фокусот на акцијата е собирањето на паднатите лисја, карактеристични за овој период од годината, како и отстранување на друг отпад од парковските површини, соопштија од општината.
Оваа акција, како што е наведено во соопштението, е дел од континуираниот пристап на Општина Кисела Вода за одржување и унапредување на јавната хигиена, а во наредниот период ќе продолжат слични интервенции и во другите паркови и зелени површини ширум општината, особено на локации со зголемена фреквенција на граѓани.
-Грижата за јавната хигиена и зелените површини е еден од нашите постојани приоритети. Со вакви редовни активности обезбедуваме парковите да останат чисти и уредни. Паралелно со ангажманот на општината, упатувам апел и до граѓаните за заеднички одговорен однос кон просторот што секојдневно го користиме, затоа што само заедно можеме да имаме чиста и уредна Кисела Вода- изјави градоначалничката Бети Стаменкоска Трајкоска.
Текстот Општина Кисела Вода: Се чистат паркот „Македонија“ и останатите паркови во општината е превземен од МАКФАКС.
