Делови од исказот на Жан Митрев даден пред обвинителката Искра Хаџивасилева на 7 декември минатата година за предметот што се води против неговата клиника, само неколку дена подоцна биле објавени на интернет страницата ДоказМ, велат од правниот тим на клиниката „Жан Митрев“, а пренесува МКД.мк.
Во нивните официјални соопштенија тие отворено се сомневаат во некаква поврзаност на обвинителката Хаџивасилева со Марјан Стаменковски, сопственикот на сајтот ДоказМ, против кого деновиве исто така е покренато обвинение.
Од клиниката „Жан Митрев“ како оштетена страна се сомневаат дека овие настани не се случајност и дека се неопходни брзи одговори за да се намалат штетите. Од одбраната на клиниката не сакаат да сугерираат кој го проследил исказот на Митрев до Стаменковски, дали тоа го сторила директно обвинителката или некој друг, но очигледно е дека токму канцеларијата на обвинителката е единственото место од каде што можело да излезе тој документ.
Целата вест на МКД.мк
