Околу 100 вработени во ЈП Водовод и канализација од утре ќе останат без работа затоа што утре им истекуваат договорите и истите нема да им бидат продолжени, објави Сител.
Ваквата одлука доаѓа откако градоначалничката на Скопје, Данела Арсовска го разреши директорот на комуналното претпријатие од редовите на ВМРО-ДПМНЕ, Златко Перински, а на негово место го постави Марјан Митовски.
Перински беше разрешен со образложение дека влијаел на тендерот над 100 милиони евра за изградба на пречистителна станица во Скопје, додека тој обвини за несоработка од страна на Арсовска.
По ова оставки поднесоа и генералниот секретар на градот, директорите на паркинзи и на депонијата Дрисла.
