Од кабинетот на градоначалникчката на Град Скопје, Данела Арсовска се огласија со соопштение откако нејзиниот претходник Петре Шилегов се пожали на загадениот воздух во Скопје.
-Во најмал случај срамно е Петре Шилегов, човекот кој четири години не презема ниту една системска мерка за справување со загадениот воздух, проблем кој директно влијае на здравјето на граѓаните, сега преку објави на Фејсбук да се жали за состојбата во која тој го доведе Скопје.
Петре Шилегов четири години имаше шанса да стори нешто на ова поле, но наместо решенија Скопје е ден од најзагадените градови во светот. Човекот кој за мерка ги сметаше временските прилики и дали ветерот ќе го исчисти воздухот, не би смеело воопшто да си дозволи да зборува на оваа тема.
Градот Скопје конечно презема системски и конкретни мерки за справување со еден од најголемите проблеми на граѓаните, загадениот воздух. За разлика од претходните години кога на ова поле не беше преземено речиси ништо, новата градска администрација овој горлив проблем за скопјани го стави како еден од најголемите приоритети.
Токму поради тоа, уште на стартот на мандатот на градоначалничката Данела Арсовска се започна со интензивно чистење на дивите депонии, каде што се согоруваше опасен отпад и шут, кој влијае врз загадувањето на воздухот. За прв пат неселективно се изрекуваат драконски казни за загрозување на животот и здравјето на граѓаните.
Во моментов се работи на целисходно системско решение од повеќе комплементарни мерки за обезбедување на повисок квалитет на живот и почист воздух, нешто што во изминатите години не беше случај и тоа резултира на континуирано загаден воздух во Скопје, велат од Град Скопје.
Скопје во изминатите денови е еден од најзагадените градови во светот. Ништо подобро не е ниту во другите градови во Македонија.
