Арктичкиот Океан, кој поради глобалното затоплување, губи огромен дел од својот мраз што придонесува за пообилни снежни врнежи во Европа, открива новото истражување.
Ледениот бран наречен „Ѕверот од исток“, кој парализираше голем дел од северна Европа, во февруари и март 2018 година, чинеше повеќе од милијарда евра на ден само за Велика Британија.
Според студијата објавена во списанието „Nature Geoscience“, овие големи снежни бури се директен резултат на „абнормално“ топлите води во Баренцовото Море, што неколку недели пред феноменот остана без мраз на околу 60 проценти од неговата површина.
Тој леден бран во Велика Британија беше наречен „Ѕверот од исток“, „Снежен топ“ во Шведска, а во Франција – феномен „Москва-Париз“.
Студијата заклучува дека доколку Беренцовото Море остане без мраз тоа ќе биде главниот извор на влага за континентална Европа и ќе биде причина за обилни дождови или снежни врнежи, што воедно ќе влијае на инфраструктурата и сообраќајот.
„Тоа ќе значи нарушување во снабдувањето со храна и гориво и уништување на посевите. Можеби изгледа чудно што затоплувањето на Арктичкиот океан предизвикува поголем снег во Европа, но природата е сложена и тоа што се случува на Арктикот не останува само во Арктикот“, предупредува студијата која ја водеше Хана Бејли од Универзитетот Улу во Финска.
Според пресметката на истражувачите, од тоа море испариле 140 гигатони вода, од која се создале 88 проценти од влагата што падна како снег во Европа, пишува „Баронс“.
