Манчестер Јунајтед и Ливерпул вечерва треба да одиграат големо англиско фудбалско дерби на „Олд Трафорд“.

Натпреварот што требаше да се игра на 2 мај беше одложен за вечерва поради големите немири и упадот на навивачите на Јунајтед на „Олд Трафорд“ поради протестот против сопствениците на клубот, семејството Глејзер.

По немирите во Театарот на соништата, играта беше одложена, а пред вечерашниот дуел повторно имаше проблеми предизвикани од навивачите на „црвените ѓаволи“.

Тие со автомобили го блокираа преминот на автобусот со играчи на Ливерпул на улица, а играчите на „црвените“ може да доцнат на натпреварот доколку не се реши проблемот.

Пред улиците на Манчестер има големо полициско присуство пред овој дуел. Тие се многу повнимателни од минатиот пат кога беа шокирани по упадот на навивачите на теренот.

ПОВРЗАНИ НАПИСИПОВЕЌЕ ОД АВТОРОТ