Низа фотографии на луѓе кои неверојатно личат на слики кои ги красат музеите ги поттикнаа корисниците на социјалната мрежа „Твитер“ да започнат нов тренд на пронаоѓање свои двојници од минатото.
Откако еден корисник на „Твитер“ под прекарот „artgate2“ објави неколку фотографии од посетители на музеј кои се фотографирале покрај слика на луѓе од минатото кои изгледаат како нивни вистински двојници, започна трендот на објавување такви фотографии каде што често може да се забележи неверојатна сличност помеѓу луѓето на сликите и посетителите.
„Замислете дека се наоѓате во музеј и да видите ваша слика, насликана пред точно сто години“, напиша еден корисник по објавата на оваа фотографија.
Девојчето стои покрај сликата на Вилијам Бугеро насловена како „Скршениот бокал“ која потекнува од 1891 година. Таа е една од фотографиите што го започна овој интересен тренд.
Ова е една од фотографиите со дупликати од музејот, која за многу кратко време „заработи“ повеќе од 33.000 лајкови, но се покажа дека и другите имаат што да покажат.
Луѓето едноставно ја користат својата креативност, на најдобар можен начин.
Шон од Велика Британија се пошегува дека изгледа како еден од луѓето кои учествувале во Варшавското востание во 1944 година.
Сем Малпас од Велика Британија најде сличност на фотографијата до еден од автопортретите на Висент ван Гог.
Британката Лиан ја објави својата фотографија покрај статуа во музејот во Ватикан.
