Вицепремиерот задолжен за борба против корупцијата и криминалот, одржлив развој и човечки ресурси, Љупчо Николовски денеска изјави дека ќе ангажира десет нови лица во неговиот кабинет.
„Ги бараме најдобрите, најдобрите млади, но и искусни луѓе, кои имаат кредибилитет, имаат капацитет, кои ги имаат сите вештини, компетенции, кои се целосно растоварени, кои сакаат заеднички со нас најнеселективно и најодговорно да се зафатиме со работа и да одработиме и да ја вратиме довербата на граѓаните, на младите во институциите и да се избориме против ова зло“, вели Николовски во новинарско прашање.
Во кабинетот на Николовски се бараат тројца раководители на сектори, еден помошник, тројца советници и тројца помлади соработници.
