Рикардо Изескон дос Сантос Леите, попознат како Кака, некогаш беше еден од најдобрите играчи во светот, а ги обезбеди и најдобрите игри во дресот на Милан.
Кака порасна во Сао Паоло, каде дебитираше во 2001 година, и тогаш покажа за каков талент станува збор. Милан со месеци го скаутираше Кака и реши да го купи летото 2003 година за 8,5 милиони евра.
За „росонерите“ ова беше целосен успех затоа што Кака брзо се вклопи во тимот и за кратко време стана еден од најдобрите играчи во Милан, иако во тоа време имаше доста жестока конкуренција.
Кака беше особено брилијантен во сезоната 2006/07 година кога го водеше Милан до титулата во Лигата на шампионите и ги воодушеви сите со своите игри. Кака на самиот почеток покажа дека ова ќе биде негова сезона, во дресот на бразилската репрезентација.
Имено, на 3 септември 2006 година, Бразил и Аргентина одиграа пријателски натпревар во Лондон на стадионот „Емирати“. Кариоките беа доминантни и го совладаа лутиот ривал со 3:0.
Елано постигна два гола за Бразил на овој натпревар, но на крајот сите зборуваа за тоа што направи Кака. Тој постигна одличен погодок во 89. минута по соло продор за конечни 3:0, кој и денес е во центарот на вниманието.
Многумина на Твитер денес се потсетија на мајсторијата на Кака од натпреварот против Аргентина одигран пред 15 години. Голот беше навистина феноменален, но тогаш малку луѓе му дадоа значење на тоа мајсторство со Кака.
Сепак, голот стана популарен само неколку години подоцна, бидејќи покрај Кака, Лионел Меси беше во главна улога. Аргентинецот беше на почетокот на својата кариера и не беше толку популарен како денес.
Кака му ја украде топката на Меси на околу 35 метри од голот на Бразил и со неверојатна брзина ја започна акцијата кон голот на Аргентина. Меси се обиде да го стигне, но се чинеше дека е невозможна мисија.
Иако Кака беше со топка во нозете и покрај тоа беше многу побрз од Меси. На крајот, тој успеа да мине уште еден аргентински играч и да постигне гол. Меси се откажа од „трката“ неколку секунди пред тоа, бидејќи сфати дека не може да го стигне Кака.
Кака во тоа време беше во животна форма, но многумина веруваат дека тој ја направи најголемата грешка во кариерата летото 2009 година кога за скоро 70 милиони евра замина во Реал Мадрид. Тој не се снајде баш најдобро на „Сантијаго Бернабеу“, а неговата кариера отиде надолу.
По четири години се врати во Милано каде помина уште една сезона, но беше јасно дека тој веќе не е тој играч. Подоцна играше за Сао Паоло и Орландо Сити каде ја заврши кариерата кон крајот на 2017 година.
