Фудбалерите на Реал Мадрид направија навистина интересен потег што повторно може да му помогне на клубот да заштеди дури 30 милиони евра.
Фудбалерите на великаните од Мадрид донесоа одлука да не ги прифаќаат бонусите што им се гарантираат за евентуална освојување на титулата шампион на Шпанија или Лига на шампиони.
И бројката во никој случај не е мала. Бонусите што раководството на „Кралевите“ би требало да ги плати за освојување на трофејот се дури 30 милиони евра, па ова секако е голема заштеда во време на голема криза во фудбалот.
Ова не е прв пат играчите на Реал да направат вакво нешто. Истото го сторија и минатата сезона кога му помогнаа на клубот да заштеди неверојатни 70 милиони евра.
Тие се откажаа од бонусот за освојување на титулата. На тој начин, клубот заштеди 30 милиони евра, и тие се согласија да ги ‘намалат’ платите.
Овие кратења на прилично високи плати му донесоа заштеда на мадридскиот клуб од нови 40 милиони евра, па играчите се одговорни за заштедите од дури 70 милиони евра за минатата сезона.
Играчите очигледно имаа уво кон клубот во времето на пандемијата кога приходите беа многу помали и на овој начин покажаа дека им е многу важно да го носат дресот на голем клуб каков што е Реал.
„Кралевите“ имаат шанса да освојат два трофеи оваа сезона. Тие ќе се борат до самиот крај за трофејот во Ла Лига, а ќе играат и во полуфиналето од Лигата на шампионите против Челси.
Реал во моментов е второпласиран тим во Ла Лига. Имаат бод помалку (66) од градскиот ривал Атлетико (67), а во трката за титулата се уште Барселона со 65 бода и Севилја со 61 поен.
Да потсетиме, Реал ја освои титулата минатата година по пауза од три години, а вкупно тоа беше нивни 34-ти трофеј за најдобар тим во Шпанија.
