Од компанијата „Нетфликс“ ветуваат дека ќе се обидат да нѐ забавуваат оваа година, пренесува „Си-Ен-Ен“.
Стриминг сервисот ги објави плановите за оваа година во вторник, ветувајќи дека секоја недела во следните 12 месеци, корисниците ќе имаат можност да гледаат нов филм.
Некои од филмовите кои допрва ќе ги гледаме на „Нетфлис“ го вклучуваат вестернот „The Harder They Fall“, во кој глумат Реџа Кинг, Идрис Елба и Џонатан Мејџорс. Лин-Мануел Миранда и Хали Бери ќе имаат свое режисерсо деби со филмот „Tick, Tick… Boom!“ и „Bruised“.
Овие се само неколку од врвните уметници во светската кинематографија, а во нови улоги ќе ги видиме и Џенифер Лоренс, Леонардо ДиКаприо, Мерил Стрип, Гал Гадот, Дејв Џонсон и Рајан Рејнолдс.
Пејачката Аријана Гранде ќе се појави во филмот „Don’t Look Up“ каде ќе глуми заедно со Лоренс, ДиКаприо, Стрип и Тимоти Шаламе.
Овој новитет доаѓа откако поради пандемијата на коронавирусот голем број од кината низ целиот свет се затворени, при што многу филмови своите премиери ги префрлија на услугите за стриминг.
Неодамна, од филмската компанија „Warner Bros“ изјавија дека и тие планираат своите филмови во 2021 година да ги префрлат на „HBO Max“ и во кината каде што е можно.
