Турскиот репрезентативец Хакан Чалханоглу (27) одлучи да ја продолжи соработката со Милан.
На претходните состаноци немаше договор меѓу неговиот менаџер Гордон Стипиќ и раководството на Милн. Така беше до денес, кога беше постигнат договор.
Чалханоглу ќе потпише нов договор со Милан вреден четири милиони евра по сезона со дополнителни бонуси и ќе остане член на Сан Сиро.
Официјалната потврда на новиот договор треба да пристигне многу скоро.
Секако треба да се истакне дека овој турски фудбалер имаше многу понуди да ја продолжи кариерата, а една исто така дојде од Катар.
Ал-Духаил му понуди дури осум милиони евра по сезона, но Чалханоглу не сакаше да замине во Катар во оваа фаза од својата кариера.
Тој се поврза и со Јувентус, кој наводно му понудил пет милиони евра по сезона, но на крајот решил да остане во Милан.
Чалханоглу пристигна на „Сан Сиро“ во 2017 година од Баер Леверкузен за бројка од 24 милиони евра и играше многу добро во дресот на „росонерите“ во последните четири години.
Тој играше во црвено-црниот дрес вкупно 171 пати и постигна 32 погодоци, а покрај за Милан и Баер, играше и за ХСВ и Карлсрухер, каде ја започна својата професионална кариера.
