Пандемијата на коронавирусите нема да заврши се до 2024 година, кога ќе почне таканаречениот „постпандемиски“ период, што ќе биде многу сличен на „лудите дваесетти години“ на 20-от век, смета д-р Николас Христакис, научник од Јејл.
-Сериозните вируси влијаат врз нашата економија, начинот на живот и пандемиите вообичаено се одвиваат во три фази, па кога станува збор за коронавирусот, можеме да зборуваме за актуелната фаза што ќе трае до крајот на 2021 година. Потоа следи средната фаза, што ќе трае до 2023 година, а на крајот и постпандемиската фаза, што ќе почне во 2024 година, изјави Христакис.
Во првата фаза, во која се наоѓаме сега, оценува Христакис, вирусот се шири се додека не се заразат доволно луѓе и не се постигне таканаречениот имунитет на стадо.
Според него во втората фаза ќе се почуствуваат психолошките проблеми, економските, на многу лица ќе им биде потребна психолошка помош, а тоа ќе трае до 2023-та година.
Третата и последна фаза ќе биде крајот на пандемијата и опоравувањето од неа. Како што вели Христакис, и по завршувањето на пандемијата ќе се чуствуваат последиците, можеби ќе престанеме да се ракуваме, помалку ќе се дружиме, а голем број на луѓе ќе продолжат да работат од дома.
