Научници од Република Северна Македонија ќе го посетат Националниот археолошки институт и музеј при Бугарската академија на науките. Нивната посета започнува денеска и ќе трае до 9 декември, јавува БТА, пренесува Трибуна.
Денеска ќе се одржи воведното предавање на проф. д-р Драги Митревски на тема „Пеонските заедници и нивната култура“.
На 6 декември ќе се одржи серија предавања на Златко Видески, д-р Александра Папазовска, д-р Перо Арјанлиев, д-р Марек Верчик, Илија Бошковски, проф. д-р Маријан Јованов, д-р Оливера Јандреска, д-р Славица Бабамова, д-р Ване Секулов и д-р Орданче Петров.
Настанот се одржува со поддршка на Министерството за култура на Република Бугарија и Современата истражувачка инфраструктура за поддршка на науката, културата и технолошкиот развој ИНФРАМАТ, објаснуваат од тимот на НАИМ-БАН.
