НАТО ги потврдува изјавите на Албанија и другите сојузници во кои одговорноста за сајбер нападот ја препишуваат на владата на Иран, се вели во посебна денешна изјава на Северноатлантскиот совет.
Во соопштението се изразува солидарност со Албанија по неодамнешниот сајбер напад врз нејзината национална информациска инфраструктура и остро се осудуваат „злонамерните сајбер активности дизајнирани да ја дестабилизираат и да ѝ наштетат на безбедноста на сојузниците и да го нарушат секојдневниот живот на граѓаните“.
„Малигните актери се обидуваат да ја деградираат нашата инфраструктура, да ги нарушат нашите владини служби, да извлечат разузнавачки информации, да украдат интелектуална сопственост и да ги нарушат нашите воени активности. Сојузниците се посветени на заштита на нивната инфраструктура, градење на отпорност и зајакнување на нивната сајбер одбрана“, се вели во извештајот.
