Истражувачите откриле срце старо 380 милиони години зачувано во фосилизирана праисториска риба.
Тие тврдат дека откриениот примерок одлично го прикажува еден од клучните моменти во еволуцијата на органот кој пумпа крв кај сите ‘рбетници, пренесува RTS.
Пронајденото срце и припаѓало на рибата гого, која сега е изумрена.
Срцето е откриено во Западна Австралија, а студија за неговата студија е објавена во списанието Science.
Професорката Кејт Триангстик, од Универзитетот Куртин во Перт, за Би-Би-Си изјавила дека таа и нејзините колеги биле целосно воодушевени од откритието.
„Бевме насекаде околу компјутерот и кога сфативме дека имаме срце, не можевме да поверуваме. Беше исклучително возбудливо“, вели професорката.
Кај фосилите, вообичаено е дека само коските успеваат да преживеат долги временски периоди, додека меките ткива многу ретко успеваат да преживеат.
Сепак, на ова место, минералите во земјата успеаја да зачуваат многу внатрешни органи, вклучувајќи го црниот дроб, желудникот, цревата и срцето.
„Ова е клучен момент во нашата еволуција“, вели професорот.
