Најпознатиот јужнокорејски бој бенд БТС паузира за воен рок. Како што пишува Би-Би-Си, припадниците на БТС се приклучуваат на јужнокорејската армија за национална служба. Ова ја заврши долгогодишната дебата за тоа дали К-поп ѕвездите би можеле да бидат ослободени од воена должност.
Во Јужна Кореја, сите мажи на воена возраст меѓу 18 и 28 години мора да служат околу две години. На седум членови на БТС им беше дозволено да го одложат почетокот на воената служба додека не наполнат 30 години.
Сите одат на воена служба
Следниот месец ќе почнат со подготовките, откри менаџерот на бендот. Сите седум членови на групата, од кои најмладиот има 24 години, ќе го отслужат воениот рок.
БТС се смета за „национално богатство“ од многу Јужнокорејци, а некои пратеници сугерираат дека бендот би можел да добие ослободување од воена служба само за да продолжи да настапува. Вакви исклучоци претходно добија олимписки медалисти и други успешни спортски ѕвезди, класични музичари и танчери.
Повторно обединување на бендот е планирано за 2025 година.
Се верува дека бендот нема повторно да се обедини барем уште неколку години.
„И компанијата и членовите на БТС со нетрпение очекуваат повторно да се обединат како група околу 2025 година по воената служба“, се вели во соопштението на нивниот менаџер.
