Жозе Мурињо и Тотенхем се збогуваа со Европа на „Максимир“.
Одличен беше Мислав Оршиќ кој постигна хет-трик. После натпреварот, Мурињо не беше изненаден затоа што, како што вели, веќе ги видел сите тие голови.
„Верувам дека не бевме изненадени од Динамо бидејќи пред натпреварот знаевме дека мора да играме за да победиме и да избегнеме да мислиме дека нерешено или минимален пораз е во ред. Им реков да играат за да победат. Дури и на полувреме им реков дека не верував во тоа дека сега е 0:0. Моите играчи не беа изненадени“.
„Ставот на Динамо беше исправен. Тие беа мотивирани и нестрпливи, сакаа да докажат дека имаат талент и да му докажат на фудбалскиот свет дека имаат квалитет. Јас само можам да го наречам професионализам затоа што за мене професионалноста започнува од став. Тоа е она што е важно , после тоа повеќе или помалку талентот прави разлика, но ставот никогаш не треба да се доведува во прашање“, рече Мурињо.
„Верувале или не, моите играчи ги гледаа, гледаа и гледаа акциите на Оршиќ од целата негова кариера. Се подготвувавме со видеа за квалитетот на сите играчи на Динамо. Голот што го постигна Оршиќ … сите такви играчи ги имам видено и претходно, Можам само да кажам дека го видов и вториот и третиот гол претходно. Им ги дадов на играчите сите информации за Оршиќ и само тоа можам да го кажам. Честитки за него на одличната вечера“, додаде Португалецот.
