Министерството за надворешни работи попладнево преку соопштение ги отфрли како сите обвинувања за набавката за реконструкција на спортската сала „Борис Трајковски“.
Од МНР како тенденциозни и крајно шпекулативни ги оценуваат сите тврдења и обвинувања за наводно политичко влијание или било каква форма на нерегуларности во изборот на компанијата која треба да ја реконструира салата „Борис Трајковски“.
Посочуваат дека условот за избор на најповолен понудувач била најниската цена заради економично и ефикасно алоцирање на буџетот.
– Од четирите понудувачи, избраната компанија имаше далеку најконкурентна понудена цена согласно очекуваните количини предвидени во техничката спецификација, односно:
Еуровиа – 93.746.070 ден. (избран понудувач)
Второрангирана – 120.668.981 ден.
Треторангирана – 134.015.461 ден.
Четврторангирана – 374.353.297 ден, се наведува во соопштението од МНР.
Оттаму додаваат дека ниту смееле, ниту е правно издржано да отфрлат понуда која според критериумите била најповолна.
– Одговорно тврдиме дека не постои никакво влијание ниту нерегуларност во изборот на компанијата што е потврдено до второстепена комисија. Сите институции се добредојдени да го анализираат изборот како и спровдувањето на постапката која ќе биде по највисоките стандарди на ОБСЕ. Уште еднаш сакаме јасно да потенцираме дека, специфичните барања за изведба на работите и нивниот квалитет, како и потребата за истите се специфични барања на ОБСЕ согласно стандардите на организацијата за организација на вакви настани, велат од МНР.
Апелираат до политичките чинители да не го злоупотребуваат овој настан и фрлаат дамка на претседателството со ОБСЕ.
– Министерството им стои на располагање на сите институции кои сакаат да добијат повеќе информации за процесот на избор на најповолен понудувач, но постапката.
