Повторното преговарање на веќе преземените меѓународни обврски само би довело до дополнително оддалечување од почетокот на преговорите за членство на Република Северна Македонија /РСМ/ во ЕУ. Ова се наведува во ставот на бугарското МНР испратен до агенцијата БГНЕС по повод изјавите на новиот премиер РСМ Христијан Мицкоски, пренесува Трибуна.
„Министерството за надворешни работи на Република Бугарија упорно потсетува дека европскиот консензус постигнат во летото 2022 година меѓу 27-те земји-членки на ЕУ и самата Северна Македонија јасно ги опишува чекорите за постигнување вистински напредок во процесот на европска интеграција на соседната земји. Исто така, принципот на едногласност во процесот на проширување на ЕУ е воспоставен во Договорот на Европската Унија и е вграден во преговарачката рамка на сите претходни и сегашни проширувања. Идеите за повторно преговарање на прифатените меѓународни обврски, ќе донесат со себе само ново оддалечување од почетокот на преговорите за влез во ЕУ. Како резултат на непотребните провокации и конфронтации со соседните земји, Северна Македонија веќе изгуби премногу време во процесот на отворање на пристапните преговори“, соопшти Министерството за надворешни работи.
„Неприфатлива е наведената намера на новата влада на Северна Македонија да го отфрли легитимното барање на дел од сопствените граѓани да ги гарантира правата и слободите на исто ниво со сите други заедници во Северна Македонија, вклучително и преку нивно вклучување во уставот на соседната земја. Подеднакво неприфатлива е и наведената намера на Северна Македонија да не се придржува до нејзините меѓународни обврски и потпишаните договори. Таквиот став е неспоив со напредокот на европскиот пат. Остава сериозната загриженост дека во својата политика кон Бугарите и Бугарија, актуелната влада во Скопје ризикува да се најде заробена во догмите на едно минато време, отфрлено од сите демократски општества“, се вели во документот, во кој се нагласува: Бугарската позиција е јасно наведена во Одлуката на Националното собрание од 24 јуни 2022 година, поддржана од сите политички сили. Тоа е израз на волјата на бугарските граѓани да ја поддржат Северна Македонија во процесот на исполнување на критериумите за членство во ЕУ. соседната земја се придржува до највисоките стандарди во областа на човековите права и со добра волја да ги исполнува своите меѓународни обврски. Оваа општонационална позиција нема да биде менувана.
