Викендов во Благоевград ќе се одржи единаесеттото издание на најголемата симулација на европските институции во Југоисточна Европа – Модел на Европска Унија. Во рамките на настанот, речиси 80 учесници – ученици и студенти од Бугарија, Романија, Грција, Франција, Германија, Велика Британија, Украина, Турција, Чешка, Италија, Северна Македонија, Србија, Канада и САД – ќе ја преземат улогата на европратеници, министри и шефови на држави за да ги разберат потемелно процесите на донесување одлуки во Европската унија, јавува Трибуна.
Симулацијата организирана од студентскиот клуб „Model European Union“ при Американскиот универзитет во Бугарија нуди единствен увид во функционирањето на Европската Унија. Настанот ќе се одржи во кампусот на АУБГ.
Специјален гостин на настанот ќе биде пратеникот и поранешен бугарски премиер Николај Денков. Тој ќе го отвори настанот со говор во петок, на 28 март, во 17 ч. во театарот „Д-р Карл Џераси“.
Овогодинешната симулација е со тема „Навигација низ европскиот безбедносен пејзаж што се развива: одбранбената индустрија на ЕУ, сајбер-безбедноста и војната во Украина“.
