Лидерот на ВМРО-ДПМНЕ Христијан Мицкоски попладнево пристигна во беровското село Будинарци. Ситуацијата денеска е под контрола, но и натаму постои опасност да се прошири пожарот. Голем број доброволци, македонски пожарникари, словенечки, австриски, армијата, жители се на формираниот кордон и подготвени да го спречат пожарот да се доближи до куќите од селото.
-Ситуацијата како што можете да видите во моментот би рекол е привидно под контрола, иако од мештаните можевме да слушнеме дека вечерта била навистина предизвикувачка и благодарение на вон-човечките напори на пожарникарите, на мештаните, но и на помошта која што пристигна од Австрија и Словенија, пожарот бил ставен под контрола. Од позадина се гледа дека се уште гори и она кое што можам да го заклучам, а и врз основа на тоа што го слушнав од луѓето, дека целата ситуација се менува од час во час. Ова се луѓе херои кои што навистина вложија вон-човечки напор, да би рекол, вон институционално ги стават пожарите под контрола. Од најавата слушнавме дека на помош ќе дојдат канадери кои што ги испраќа Романија за некои половина час од овој момент. Се надеваме дека со тоа ќе биде изгаснат пожарот овде во Берово и дека на тој начин практично целата оваа ситуација ќе биде ставена под контрола. На крај, би сакал уште еднаш да се заблагодарам и на луѓето, тука сме ние колку можеме ќе помагаме, но мора да имаме во предвид дека овие луѓе се вистинските херои кои што вложија вон човечки напорни да целата работа ја стават под контрола и да не дозволат населените места овде во Берово бидат изгорени, изјви Мицкоски.
