Мерките преземени од земјите за борба против пандемијата на коронавирус ја искоренија инциденцата на грип, изјави денеска шефот на одделот за пандемии и епидемични болести на СЗО Силвија Брајанд, пренесува ТАСС.
– Ја следиме сезонската инциденца на грип и можеме да кажеме дека гледаме екстремно ниска циркулација во јужната хемисфера, рече таа. – Можеби има голем број објаснувања за ова, но најреалната хипотеза е дека мерките преземени за борба против коронавирусот се исклучително ефикасни против сезонскиот грип – вели Брајанд.
Таа истакна дека СЗО и натаму ќе ја следи ситуацијата со грипот, особено во конекст на вакцинацијата против коронавирус.
Во оваа фаза, сепак, можеме да заклучиме дека мерките што се ефикасни во борбата против коронавирусот се исклучително ефикасни во борбата против другите заразни болести – рече експертката.
Претходно беше соопштено дека во 2020 година, според голем број студии, инциденцата на грип е намалена за повеќе од 90 проценти. Според американскиот Центар за превенција и контрола на болести, само во сезоната на грип 2018-2019 во таа земја се разболеле 42,9 милиони луѓе, од кои 647.000 биле хоспитализирани, а 61.200 починале. Во периодот 2017-2019 година имало 48,8 милиони случаи, 959 илјади хоспитализации и 79.400 смртни случаи.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
