Германската канцеларка Ангела Меркел на 20 август ќе ја посети Москва и ќе разговара со рускиот претседател Владимир Путин, објавија денеска владите на двете земји.
Advertisements
Претходно Кабинетот на Меркел објави дека канцеларката ќе го посети главниот град на Украина, Киев на 22 август.
Меркел беше во посета на Москва лани во јануари, а оттогаш неколкупати телефонски разговараше со Путин. Последниот разговор меѓу нив беше на 21 јули.
„Се очекува двете страни да разговараат за моменталната состојба на односите меѓу нив, перспективите за соработка во различни области, како и да разгледаат голем број меѓународни и регионални прашања“, се вели во соопштението на Кремљ.
