Првиот заменик-претседател на Владата и министер за животна средина, Изет Меџити, придружуван од градоначалникот на општина Желино, Блерим Сејдиу и пратеници од регионот, денеска изврши увид на градежните активности за реализација на проектот за изградба на примарната водоводна мрежа во селото Мерово, општина Желино.

Проектот предвидува изградба на дистрибутивната мрежа за водоснабдување во рамките на селото, изградба на поврзувачки цевковод од резервоарот до главната мрежа, отворање на нов бунар покрај постојниот, како и рехабилитација и проширување на веќе изграден резервоар.

<imgsrc=”https://zoom.mk/wp-content/uploads/2025/08/izet-medziti-2.jpg” alt=”” width=”740″ height=”493″ class=”aligncenter size-large wp-image-3027165″ srcset=”https://makfax.com.mk/wp-content/uploads/2025/08/izet-medziti-2-800×533.jpg 800w, https://makfax.com.mk/wp-content/uploads/2025/08/izet-medziti-2-300×200.jpg 300w, https://makfax.com.mk/wp-content/uploads/2025/08/izet-medziti-2-768×512.jpg 768w, https://zoom.mk/wp-content/uploads/2025/08/izet-medziti-2.jpg 1599w” sizes=”(max-width: 740px) 100vw, 740px”>

Досега е извршено отворање на еден бунар и изградба на еден резервоар, кои во рамките на овој проект ќе бидат финализирани и модернизирани.

Вкупната вредност на инвестицијата изнесува 15.847.359 денари, обезбедени од буџетот на надлежното министерство, а градежните активности се очекува да завршат до крајот на 2025 година.

„Одржливото снабдување со вода е еден од најважните приоритети на нашата Влада, бидејќи е директно поврзано со квалитетот на животот на граѓаните и развојот на нашите населени места. Со овој проект ставаме крај на децениските проблеми со недостиг на водовод во Мерово и им обезбедуваме на жителите подобри услови за живот“, истакна првиот заменик-претседател на Владата, Изет Меџити.

<imgsrc=”https://zoom.mk/wp-content/uploads/2025/08/izet-medziti-1.jpg” alt=”” width=”740″ height=”493″ class=”aligncenter size-large wp-image-3027164″ srcset=”https://makfax.com.mk/wp-content/uploads/2025/08/izet-medziti-1-800×533.jpg 800w, https://makfax.com.mk/wp-content/uploads/2025/08/izet-medziti-1-300×200.jpg 300w, https://makfax.com.mk/wp-content/uploads/2025/08/izet-medziti-1-768×512.jpg 768w, https://zoom.mk/wp-content/uploads/2025/08/izet-medziti-1.jpg 1500w” sizes=”(max-width: 740px) 100vw, 740px”>

Оваа инвестиција претставува дел од стратешките проекти кои имаат за цел унапредување на основната инфраструктура и задоволување на елементарните потреби на граѓаните во сите населени места на општина Желино и пошироко.

Текстот Меџити изврши увид на градежните активности за изградба на примарната водоводна мрежа во Мерово, Желино е превземен од МАКФАКС.