Почна маршот за поддршка на жртвите од „Јавна соба“ отворена на „Телеграм“, каде се споделуваа експлицитни фотографии од жени, девојки и малолетнички.
Организатор е Платформата за родова еднаквост. Се маршира од Министерство за внатрешни работи до Јавното обвинителство.
Нивните барања се Јавното обвинителство неодложно и темелно да го расчисти случајот „Јавна соба“ кој претставува кривично дело, во кое голем број жени се жртви на родово засновано насилство.
Бараат соодветни казни за администраторите на групите, како и за сите членови што праќале и сè уште праќаат фотографии и им пишуваат лични податоци на девојки и жени.
Инсистираат сексуалното вознемирување преку интернет посебно да се регулира и во Кривичниот законик.
Бараат соодветна грижа за жртвите од надлежните институции.
