Лидерот на СДСМ, Венко Филипче потврди дека е човек кој не чувствува вина за случајот Онкологија. Филипче докажа дека е човек за кој граѓаните се неважни, туку важен е само профитот и бизнисот, изјави Валентин Манасиевски од ВМРО-ДПМНЕ.
Тој рече дека после сите случувања и трагедии кои ја потресоа државата, очекувавале барем малку човечност во Филипче, да се извини пред граѓаните и да си замине од политичката сцена, но тој тоа не го направил и продолжува да глуми дека е безгрешен.
„Филипче кажа дека не се чувствува виновен за случајот Онкологија, иако не постапил согласно надлежностите од Законот за здравствена заштита, и тоа конкретно: член 17, член 27, член 92-г, член 110, член 226-б, член 226-и и член295. Исто така не постапил во согласност со Законот за јавни набавки, и тоа конкретно: член 2 т.11, член 76 и член77 (2 и 5). Не е постапено соодветно на член 4 (1) и член 13 (1, 2, 4) како и член 22 од Законот за организација и работа на органите на државната управа. По однос на Законот за здравственото осигурување не се постапило согласно членот59. Денес, повторно прашуваме, дали Филипче е заштитен од судиите и обвинителите кои учествувале во овој процес? Филипче еве да ти поставиме и друго прашање. Дали не се чувствуваш виновен и за модулрната болница, за несправувањето со КОВИД кризата, каде што не успеа навремено да набавиш маски, ракавици, медицинска опрема, а да не спомнуваме и за вакцините кои сакаше да заработиш на нив?“, велат од ВМРО-ДПМНЕ.
Се додава дека Филипче треба веднаш да си поднесе оставка и да не се бламира во јавноста бидејќи е синоним за криминал, корупција и неспособност.
Текстот Манасиевски: Филипче докажа дека е човек за кој граѓаните се неважни, туку важен е само профитот и бизнисот е превземен од МАКФАКС.
