Комесарот за соседски прашања и проширување на Европската унија Оливер Вархеи денеска во Брисел ќе се сретне со претставниците на македонските Бугари, јави агенцијата БГНЕС.
Средбата е на барање на македонските Бугари поради ако што тврдат институционалната омраза и систематската дискриминација кон нив во Македонија. Разговорот со Вархеи се случува по претепување на Христијан Пендиков во Охрид, кој моментално се наоѓа на лекување во Академијата за медицински науки во Софија.
Високиот претставник на ЕУ за надворешна политика, Жозеп Борел, вчера категорично го осуди нападот врз Христијан Пендиков. Ова се случи на неговата средба со министерот за надворешни работи на Македонија Бујар Османи. Македонскиот дипломат ветил дека „одговорните за инцидентот ќе бидат изведени пред лицето на правдата“.
Лидерите на македонските Бугари повеќепати потенцираа дека во нивната татковина нема желба за дијалог со нив од страна на локалната и централната власт. Тие ги повикуваат европските институции да помогнат во намалувањето на секојдневниот притисок врз граѓаните на РСМ, кои не се плашат и покрај ризикот од дискриминација и говор на омраза, отворено да го бранат своето македонско бугарско наследство и идентитет.
Македонските Бугари ќе ги претставуваат Петар Колев, Георги Трендафилов и Љупчо Георгиевски.
